呢排有好多戲想睇..但係就好多都睇唔成...有d係因為約唔到人...有d係因為有人同我講到好差咁...有d係因為本小姐已經無咩錢錢...

呢排無點見過suki啦...因為怕佢無咩錢用...但係點知人地夜夜笙歌...完全唔理我囉!!
其實我唔係唔對你ge嘢無興趣知...而係我真係唔知俾咩反應你好...話你咩?我唔想...支持你?我做唔到...因為我知最後受到傷害ge只會係你...我到依家都好記得响銅鑼灣你為咗某人而喊...有d咩的確唔係話要忘記就忘記...但係時間同朋友你都有..點解唔再忍耐吓呢?...不過點都好..呢個係你自己ge選擇...你自己唔後悔就得啦....
縱然我會覺得你依家咁樣係唔抵幫..但係你要知道...有d咩事...我都會即刻走出黎...(不過唔好再係銅鑼灣咁遠啦)

同呀kay keep 住都有contact...好開心知道佢感覺順利...而且非常之sweet 呀~~希望我封利是有望啦~
其實我真係好佩服你咁有決心ga...whatever 係keep fit or other...我都覺得你好勁ga...好想你可以分一d俾我去keep fit 就good 啦...再分一d俾suki 都唔錯~~

知道有不少朋友都關心我ge感情狀況...本人在此感激感激...其實我都唔知叫做點...叫感情空白咩..又未至於...但好充實咩...又唔係...不過大家真係真係唔使擔心...呢排我好鬼死忙呀...行街睇戲食飯...樣樣都有..再加埋返學..加班..真係忙到飯都唔得閒煮呀....

不過你地約我ge話...我必到ga~~只係唔飲酒就得啦~~有冷氣就更好啦~~

呢排開始同班同事玩埋咗...所以酒都飲多咗...身體開始唔多得啦...個心好像又快咗...所以今個星期唔敢再出街啦...唯有乖乖地...希望個心快點慢返啦...

第一餐生日飯呀~~~

有X小姐及Z小姐...陪X小姐配眼鏡...一玩就玩咗2個幾鐘...由灣仔玩到MK...自己都玩埋一份...狂試眼鏡...得出既結果就係 --- 粗框似學生 (書蟲) ...幼框似老師 (MS NG) 哈哈
都幾好玩...亦證實咗我係好適合戴眼鏡的...Z小姐副副都話我戴得OK~~

之後去咗MK...X小姐終於搵到一副幾好睇 & 價錢都好抵既眼鏡lu~~唔錯唔錯

晚餐食日の食...比我想像的好...d炸嘢唔錯呀~~おいしい

呢排大家都比較窮&忙...所以都小見咗...所以大家好多嘢傾呀

玩咗成晚...發現幾樣好好笑既嘢
1) "沖" "廁所"
2) 當你食到好飽個陣...原來再塞d嘢食落肚就會唔飽的 (多謝X小姐提供呢個"真相")
3) 白雪公主 唔止有 白馬王子...仲有紅橙黃綠青藍"紫" 呀
4) 原來x小姐係會肥架 (我同Z小姐都估唔到)
5) x小姐d "肉"照唔錯wor~~hehe (包括個張 豬照 )

Anyway~~好開心呀~~多謝兩位^^

私今日は本当にとても楽しいです，ありがとうございます，私はあなたたちを愛する。